રજૂઆતો છતાં કાર્યવાહી ન થતાં ખેડૂતોમાં રોષ

ખેડૂતોનો આક્ષેપ છે કે સરકારની જી.એસ.પી.એલ. (GSPL) કંપની દ્વારા તેમની સંમતિ વિના કિંમતી ખેતીની જમીનમાં ગેસ પાઇપલાઇન નાખવાનું કામ શરૂ કરવામાં આવ્યું હતું. સ્થાનિક ખેડૂતોના જણાવ્યા મુજબ તેઓ છેલ્લા એક મહિનાથી આ મુદ્દે વિરોધ કરી રહ્યા હતા. કલેક્ટર, મામલતદાર સહિતના વહીવટી અધિકારીઓને અનેક વખત લેખિત રજૂઆતો અને આવેદનપત્રો આપવામાં આવ્યા હતા, પરંતુ કોઈ યોગ્ય નિર્ણય કે કાર્યવાહી ન થતાં ખેડૂતોમાં રોષ વધ્યો હતો.

Brijraj Solanki એ ખેડૂતો સાથે ખેતરમાં જઈને ગેસલાઇન ઉખાડી ફેંકી અને પછી… #BrijrajSolanki #Viralvideo #Farmers #GujaratFarmers #FarmersProtest pic.twitter.com/jiTmY1K2X9

— Nirbhaynews (@nirbhaynews1) July 8, 2026

વાવણીની સિઝન વચ્ચે ખેતીકામમાં મુશ્કેલીનો દાવો

ખેડૂતોનું કહેવું છે કે ચોમાસાની શરૂઆત સાથે વાવણીનો સમય આવી ગયો છે અને ખેતરોમાં ગેસ પાઇપલાઇન હોવાને કારણે ટ્રેક્ટર ચલાવવામાં તેમજ ખેતીકામ કરવામાં મુશ્કેલીઓ ઊભી થઈ રહી છે. આ કારણસર ગામના ખેડૂતો એકત્ર થયા અને ટ્રેક્ટરની મદદથી પાઇપલાઇન બહાર કાઢવાની કાર્યવાહી કરી હોવાનું તેમણે જણાવ્યું.

બ્રિજરાજ સોલંકીની સરકાર અને કંપનીને ચેતવણી

આ પ્રસંગે આમ આદમી પાર્ટીના પ્રદેશ યુવા પ્રમુખ બ્રિજરાજ સોલંકીએ સરકાર અને જી.એસ.પી.એલ. કંપનીને આકરા શબ્દોમાં ચેતવણી આપી હતી. તેમણે જણાવ્યું કે આ લડાઈ વળતર માટે નહીં, પરંતુ ખેડૂતોની જમીન અને અસ્તિત્વ બચાવવા માટેની છે. તેમણે દાવો કર્યો કે કંપની દ્વારા કેટલુંય વળતર આપવામાં આવે તો પણ ખેડૂતો હવે તેમના ખેતરોમાં આ કામગીરી ચાલુ રહેવા દેશે નહીં.

સોલંકીએ વધુમાં કહ્યું કે જો આગામી દિવસોમાં કંપની દ્વારા પાઇપલાઇનો કાયમી ધોરણે દૂર કરવામાં નહીં આવે તો ગામના ખેડૂતો ફરીથી એકત્ર થઈને તમામ પાઇપલાઇનો દૂર કરશે. તેમણે ઉમેર્યું કે ખેડૂતો અહિંસાના માર્ગે પોતાની લડત લડી રહ્યા છે, પરંતુ તેમની વાજબી માંગણીઓની અવગણના કરવામાં આવશે તો તેઓ વધુ ઉગ્ર આંદોલનનો માર્ગ પણ અપનાવી શકે છે.

આ સમગ્ર મામલે જી.એસ.પી.એલ. કંપની અથવા જિલ્લા વહીવટી તંત્ર તરફથી સત્તાવાર પ્રતિસાદ મળ્યો છે કે નહીં, તેની માહિતી હજુ સુધી સામે આવી નથી.

આ પણ વાંચો : Donald Trump : ઈરાન પર હુમલો કર્યા પછી ટ્રમ્પે એક મોટું નિવેદન આપ્યું હતું, જેમાં કહ્યું હતું કે, “યુદ્ધવિરામ સમાપ્ત થઈ ગયો છે, વાટાઘાટો ચાલુ રહી શકે છે.”