ભરુચમાં ચાલતા દારુના ધંધા અંગે ચૈતર વસાવાનો ખુલાસો

ચૈતર વસાવાએ કહ્યુ કે, ભરૂચ શહેરમાંથી યુવાનોએ આવીને અમને ફરિયાદ કરી છે કે, ભરૂચ શહેરમાં ખુલ્લેઆમ ડી ક્વોલિટીનો ઈન્જેક્શનો નાખીને કેમિકલ વાળો દેશી દારુ વેચાય છે. અને આ દારુ વેચાવવા માટે પોલીસ તેમને મદદ કરે છે. અને પોલીસ જ તેમને કહે છે કે, તમારે દારુ વેચવાનો. આ સાથે પોલીસ દ્વારા જે હપ્તા ઉઘરાવવામા આવે છે તેના વીડિયો પણ બતાવ્યા હતા. તેમાં LCB,SOG અને બી ડિવિઝનના તમામ અધિકારીઓ હજારો લાખોના હપ્તા લેતા હોવાના વીડિયો ફુટેજ અમારી પાસે આવ્યા છે. ત્યારે અમે સરકારને કહેવા માંગીએ છીએ કે, દારુબંધીના નામે કરોડો રુપિયાનો ખર્ચો થાય છે. ગાંધીના ગુજરાતમાં મોટા મોટા ફાંકા ફોજદારી કરવામા આવે છે. આ પોલીસની રહેમનજર હેઠળ આટલી બધી હપ્તાખોરીથી દારુના ધંધા ભરૂચ જિલ્લામાં ચાલે છે. તેના હપ્તા ઉચ્ચ અધિકારીઓ સુધી તો જતા જ હશે. પણ ભાજપના કમલમ સુધી પણ જતા હશે તેવું પણ મને લાગી રહ્યું છે. તો જ આટલા મોટા પ્રમાણમાં દેશી દારુ અને ઈગ્લીશ દારુના ઠેકાઓ ચાલે.

ચૈતર વસાવાએ દારૂના હપ્તા ઉઘરાવતા પોલીસ અધિકારીઓનો કર્યો પર્દાફાશ | Nirbhaynews#chaitarvasava #bharuch #gujarat #liquor #gujaratpolice #viralvideos #nirbhaynews pic.twitter.com/idwfRYAFWD

— Nirbhaynews (@nirbhaynews1) July 10, 2024

સરકાર અને પોલીસ તંત્રને ચૈતર વસાવાએ આપી ચીમકી

વધુમાં તેમણે કહ્યું કે, સરકાર અને પોલીસ તંત્રને અમે કહેવા માંગીએ છીએ કે, જો કોઈ પણ પોલીસના અધિકારીઓ આ હપ્તાખોરીમાં જોડાયેલા છે. તેમના પર જો 7 દિવસ પછી કાયદેસરની કાર્યવાહી નહીં કરાવમા આવે તો રોડ પર પણ ઉતરીશું અને તે ઠેકાઓ પર જનતા રેડ પણ કરીશું. અને આવનાર દિવસોમાં ખુબ મોટુ આંદોલન પણ કરવામા આવશે.

આ પણ વાંચો :  Imd Monsoon Alert : હવામાન વિભાગ દ્વારા આપવામાં આવતા Red, Yellow કે Orange Alert ને સમજો