Bangladesh Protest : શેખ હસીના(Sheikh Hasin)એ વડાપ્રધાન પદેથી રાજીનામું આપી દેશ છોડ્યા બાદ બાંગ્લાદેશમાં મોટા પાયે હિંસક (Bangladesh Protest) ઘટનાઓ બની છે. રાજધાની ઢાકા, ચિત્તાગોંગ અને કુલના સહિત અન્ય વિસ્તારોમાં હિન્દુઓને નિશાન બનાવવામાં આવ્યા છે. હિંદુ મંદિરો (Hindu Temple), ઘરો અને વેપારી સંસ્થાઓમાં તોડફોડ કરવામાં આવી છે. મહિલાઓ પર પણ હુમલો કરવામાં આવ્યો છે. આ દરમિયાન બાંગ્લાદેશમાં ઝડપથી બદલાતી પરિસ્થિતિને ધ્યાનમાં રાખીને એક મોટું પગલું ભરવામાં આવ્યું છે. બાંગ્લાદેશમાં દૂતાવાસનું વિઝા કેન્દ્ર આગામી આદેશ સુધી બંધ રહેશે. આ નિર્ણય ભારતીય દૂતાવાસ (Indian ambassy)નો છે. હિંસાને જોતા દૂતાવાસની સુરક્ષા પણ વધારી દેવામાં આવી છે.
વચગાળાની સરકાર શપથ લેશે
દરમિયાન, અત્રે એ પણ જણાવી દઈએ કે નોબેલ પુરસ્કારથી સન્માનિત અર્થશાસ્ત્રી મોહમ્મદ યુનુસ આજે બાંગ્લાદેશની વચગાળાની સરકારના વડા તરીકે શપથ લેશે. અધિકારીઓ કાયદો અને વ્યવસ્થાને નિયંત્રિત કરવામાં વ્યસ્ત છે. શેખ હસીનાની હકાલપટ્ટી બાદ દેશના સુરક્ષા વિભાગમાં મોટો ફેરફાર કરવામાં આવ્યો છે. આર્મી ચીફ જનરલ વકાર-ઉઝ-ઝમાને બુધવારે જાહેરાત કરી હતી કે વચગાળાની સરકાર ગુરુવારે લગભગ 8 વાગ્યે શપથ લેશે. તેમણે કહ્યું હતું કે સલાહકાર પરિષદમાં 15 સભ્યો હોઈ શકે છે. જનરલ જમાને કહ્યું હતું કે સેના યુનુસને તમામ શક્ય મદદ કરશે.
દૂતાવાસનું શું કામ છે?
તમને જણાવી દઈએ કે કોઈપણ દેશ સાથે બહેતર રાજદ્વારી સંબંધો સ્થાપિત કરવામાં દૂતાવાસ મહત્વપૂર્ણ ભૂમિકા ભજવે છે. દૂતાવાસ અન્ય દેશોમાં રહેતા તેમના નાગરિકોને સંબંધો અને સંપર્ક જાળવીને મદદ કરે છે. વિશ્વના ઓછામાં ઓછા 121 દેશોમાં ભારતના દૂતાવાસ છે, આ સિવાય ભારતે મોટી સંખ્યામાં દેશોમાં પોતાના વાણિજ્ય દૂતાવાસ પણ ખોલ્યા છે. આ દૂતાવાસો દ્વારા વિદેશમાંથી ભારત આવવા ઈચ્છતા વિદેશી નાગરિકોને વિઝા વગેરે આપવામાં આવે છે. રાજદ્વારી સંબંધોની સાથે તેઓ વ્યાપારી સંબંધો સ્થાપિત કરવામાં પણ મહત્વની ભૂમિકા ભજવે છે.
આ પણ વાંચો : Vinesh Phogat : IOA પ્રમુખ પીટી ઉષા વિનેશ ફોગાટને મળ્યા, પ્રથમ તસવીર સામે આવી
