મુખ્યમંત્રી શિંદેએ મુંબઈમાં(Maharashtra) તેમના સત્તાવાર નિવાસસ્થાન વર્ષા ખાતે પત્રકારો સાથે અનૌપચારિક વાતચીતમાં ચૂંટણીને લઈને આ મોટું નિવેદન આપ્યું છે. તેમણે કહ્યું કે કુલ 288 સભ્યોની રાજ્ય વિધાનસભા માટે બે તબક્કામાં ચૂંટણી કરાવવાનું વધુ સારું રહેશે. મહાયુતિ સરકાર વિકાસ અને કલ્યાણકારી પગલાં પર ધ્યાન આપી રહી છે અને લોકો તરફથી સારો પ્રતિસાદ મળી રહ્યો છે.

સીએમ શિંદેએ ગઠબંધનમાં સીટ વહેંચણી પર શું કહ્યું?

મહાગઠબંધન સરકારમાં શિંદેની આગેવાની હેઠળની શિવસેના, ભારતીય જનતા પાર્ટી અને અજિત પવારની આગેવાનીવાળી રાષ્ટ્રવાદી કોંગ્રેસ પાર્ટી (NCP)નો સમાવેશ થાય છે. મુખ્યમંત્રીએ કહ્યું, ‘નવેમ્બરના બીજા સપ્તાહમાં ચૂંટણી થવાની સંભાવના છે. બે તબક્કામાં ચૂંટણી યોજવી વધુ સારું રહેશે. મહાગઠબંધનના ભાગીદારો વચ્ચે બેઠકોની વહેંચણી માટેનો માપદંડ વિજેતા ઉમેદવારોની સંખ્યા હશે.

તેમણે કહ્યું કે સીટ વિતરણ 8 થી 10 દિવસમાં આખરી થઈ જશે. તેમને મહિલાઓમાં સરકાર માટે સમર્થન જોવા મળી રહ્યું છે. તેમણે ભારપૂર્વક જણાવ્યું હતું કે તેમની સરકાર સામાન્ય લોકોની સરકાર છે. CMએ કહ્યું, ‘અમે વિકાસ અને કલ્યાણકારી યોજનાઓ વચ્ચે સંતુલન જાળવી રાખ્યું છે.’

મુંબઈને સ્લમ ફ્રી બનાવવું પડશે

મુખ્યમંત્રીએ જણાવ્યું હતું કે કૌશલ્ય પ્રશિક્ષણ કાર્યક્રમ હેઠળ 1.5 લાખ યુવાનોને નિમણૂક પત્રો આપવામાં આવ્યા છે. જેના માટે તેમને રૂ. 6,000 થી રૂ. 10,000 સુધીનું સ્ટાઇપેન્ડ મળશે. આ કાર્યક્રમમાં 10 લાખ યુવાનોને સામેલ કરવાનો લક્ષ્યાંક છે. શિંદેએ જણાવ્યું હતું કે સરકારની લાડકી બહેન યોજના હેઠળ અત્યાર સુધીમાં 1.6 કરોડ મહિલાઓને આર્થિક સહાય મળી છે. તેમણે એમ પણ કહ્યું હતું કે તેમની સરકારનું લક્ષ્ય મુંબઈને ઝૂપડપટ્ટી મુક્ત બનાવવા અને બધા માટે સસ્તું આવાસ સુનિશ્ચિત કરવાનું છે.

આ પણ વાંચો: ઈઝરાયેલે GAZAમાં તબાહી મચાવી, હુમલામાં અમેરિકન કર્મચારી સહિત 14 લોકો માર્યા ગયા