Amit Shah: કેન્દ્રીય ગૃહ અને સહકાર મંત્રી અમિતભાઈ શાહનો આગામી દિવસોમાં યોજાનારો ગુજરાતનો મહત્વપૂર્ણ પ્રવાસ અચાનક રદ કરવામાં આવ્યો છે. પૂર્વ નિર્ધારિત કાર્યક્રમ મુજબ કેન્દ્રીય ગૃહમંત્રી આગામી 3 થી 5 સપ્ટેમ્બર દરમિયાન પોતાના સંસદીય મતક્ષેત્ર ગાંધીનગર સહિત ગુજરાતના વિવિધ કાર્યક્રમોમાં હાજરી આપવા માટે આવવાના હતા. જોકે, કોઈ અગમ્ય કારણોસર કે વહીવટી વ્યસ્તતાના લીધે તેમનો આ પ્રવાસ મુલતવી રાખવામાં આવ્યો હોવાના સમાચાર સામે આવ્યા છે.
ગાંધીનગર ખાતેના વિવિધ કાર્યક્રમો રદ
અમિત શાહના આ ત્રણ દિવસીય પ્રવાસ દરમિયાન તેમના સંસદીય ક્ષેત્ર ગાંધીનગરમાં અનેક વિકાસકાર્યોના ખાતમુહૂર્ત, લોકાર્પણ અને સંગઠનાત્મક બેઠકો યોજવાનું આયોજન કરવામાં આવ્યું હતું. સ્થાનિક તંત્ર દ્વારા તેમના સ્વાગત અને પ્રોટોકોલ મુજબ તમામ તૈયારીઓ પણ કરી લેવામાં આવી હતી. પરંતુ પ્રવાસ રદ થતાં હવે ગાંધીનગર ખાતેના તમામ કાર્યક્રમો હાલ પૂરતા મુલતવી રાખવામાં આવ્યા છે.
સાબરમતી રેલવે સ્ટેશન ખાતે પણ હતું વિશેષ આયોજન
ગાંધીનગર ઉપરાંત અમદાવાદના સાબરમતી વિસ્તારમાં પણ કેન્દ્રીય ગૃહમંત્રીની હાજરીમાં મોટો કાર્યક્રમ યોજાવાનો હતો. સાબરમતી રેલવે સ્ટેશન પાસે વિવિધ વિકાસપ્રકલ્પો અને નાગરિક સુવિધાના કામોના આયોજન અંગેનો ખાસ કાર્યક્રમ રાખવામાં આવ્યો હતો, જેમાં અમિત શાહ ઉપસ્થિત રહેવાના હતા. હવે આ તમામ કાર્યક્રમો રદ થતાં આગામી દિવસોમાં નવી તારીખો જાહેર કરવામાં આવે તેવી શક્યતા છે.
આ પણ વાંચો: Amit Shah Gujarat Visit: અમિત શાહ કરશે ‘ગુજરાત ગૌરવ સંકુલ’નું લોકાર્પણ, ૩ દિવસીય ગુજરાત પ્રવાસ
