Amit Shah : કેન્દ્રીય ગૃહ અને સહકાર મંત્રી અમિત શાહે પોતાના કચ્છ પ્રવાસ દરમિયાન ભારત-પાકિસ્તાનની અત્યંત સંવેદનશીલ દરિયાઈ સરહદ હરામીનાળા વિસ્તારની મુલાકાત લઈને સુરક્ષા વ્યવસ્થાની સમીક્ષા કરી હતી. વહેલી સવારે યોજાયેલા આ પ્રવાસ દરમિયાન ગૃહમંત્રીએ સરહદ સુરક્ષા દળના અધિકારીઓ સાથે સ્પીડ બોટમાં સવાર થઈને બોર્ડર વિસ્તારમાં પેટ્રોલિંગ કર્યું હતું. વ્યૂહાત્મક રીતે મહત્વપૂર્ણ માનવામાં આવતા આ ક્રિક વિસ્તારમાં સુરક્ષાને વધુ મજબૂત બનાવવાના હેતુથી આ મુલાકાતને ખાસ મહત્વપૂર્ણ માનવામાં આવી રહી છે.
સ્પીડ બોટથી સરહદી પેટ્રોલિંગ
હરામીનાળા વિસ્તાર ભૌગોલિક રીતે પડકારજનક અને સુરક્ષાની દ્રષ્ટિએ અતિ સંવેદનશીલ ગણાય છે. અહીં દરિયાઈ માર્ગો અને કાદવવાળા ક્રિક વિસ્તારને કારણે સતત સતર્કતા રાખવી જરૂરી બને છે. ગૃહમંત્રી Amit Shahએ જાતે જ સ્પીડ બોટમાં બેસીને પેટ્રોલિંગ કર્યું અને સરહદ પર તૈનાત જવાનો સાથે ચર્ચા કરી હતી. આ દરમિયાન બીએસએફના ઉચ્ચ અધિકારીઓએ તેમને વિસ્તારની વર્તમાન સુરક્ષા સ્થિતિ અંગે માહિતી આપી હતી.
#WATCH | Gujarat: Union Home Minister Amit Shah visited the Harami Nala area, located near the India-Pakistan border in Kutch pic.twitter.com/Zvg3qbw9xH
— ANI (@ANI) May 29, 2026
હાઈ-ટેક કંટ્રોલ રૂમની મુલાકાત
પ્રવાસ દરમિયાન ગૃહમંત્રીએ બીએસએફના આઉટ પોસ્ટ ટાવર-1170 નજીક આવેલા આધુનિક કંટ્રોલ રૂમની મુલાકાત લીધી હતી. અહીં સ્થાપિત હાઈ-ટેક PTZ કેમેરા સિસ્ટમની લાઈવ ફીડનું તેમણે બારીકાઈથી નિરીક્ષણ કર્યું હતું. આ કેમેરા સિસ્ટમ સરહદ પારથી થતી કોઈપણ શંકાસ્પદ હલચલને ઝડપથી ઓળખી શકે છે. અધિકારીઓએ તેમને ટેક્નોલોજી આધારિત દેખરેખની કામગીરી અને તેની અસરકારકતા વિશે વિગતવાર સમજ આપી હતી.
#WATCH | Bhuj, Gujarat: Union Home Minister Amit Shah says, “… We have gradually succeeded in establishing a robust security grid across this entire region. I am acutely aware of the immense technical challenges that had to be overcome to erect the towers currently standing… https://t.co/oVC22I3x6M pic.twitter.com/gLCBWqMvEv
— ANI (@ANI) May 29, 2026
સ્માર્ટ ફેન્સિંગ અને ડિજિટલ સુરક્ષાને પ્રાથમિકતા
ઉચ્ચ સ્તરીય બેઠક દરમિયાન Amit Shahએ સરહદી સુરક્ષામાં આધુનિક ટેક્નોલોજીના ઉપયોગ પર વિશેષ ભાર મૂક્યો હતો. તેમણે જણાવ્યું હતું કે માત્ર માનવબળ પૂરતું નથી, પરંતુ સ્માર્ટ ફેન્સિંગ, ડિજિટલ મોનીટરીંગ અને હાઈ-ટેક સર્વેલન્સ સિસ્ટમ દ્વારા જ આવા સંવેદનશીલ વિસ્તારોમાં સુરક્ષા વધુ મજબૂત બનાવી શકાય.
ગૃહમંત્રીએ સ્પષ્ટ કર્યું હતું કે કેન્દ્ર સરકાર દેશની સરહદોને વધુ સુરક્ષિત બનાવવા માટે સંપૂર્ણ પ્રતિબદ્ધ છે. ખાસ કરીને કચ્છ જેવા ભૌગોલિક પડકારો ધરાવતા વિસ્તારોમાં 24 કલાક નજર રાખી શકાય તે માટે નવી ટેક્નોલોજીનો વ્યાપક ઉપયોગ કરવામાં આવશે. તેમની આ મુલાકાતને દેશની દરિયાઈ સરહદ સુરક્ષા વધુ સશક્ત બનાવવાના પ્રયાસોના મહત્વપૂર્ણ પગલા તરીકે જોવામાં આવી રહી છે.
આ પણ વાંચો : Banaskantha : UGVCL દ્વારા મોટો છબરડો, વીજ પુરવઠો વપરાયા વિના ગ્રાહકને લાખો રૂપિયાનું બિલ
