Banaskantha: અમરેલીમા (Amreli) બગસરાના (Bagasara) મોટા મુંજિયાસરની પ્રાથમિક શાળામાંથી ( Munjiasar Primary School) એક ચોંકાવનારો કિસ્સો સામે આવ્યો હતો જેમાં આ શાળામાં ધોરણ 7મા ભણતા એક છાત્રએ વીડિયો ગેમમાંથી પ્રેરણા લઇ પોતાના ધોરણના સાથી છાત્રોને જો બ્લેડથી તમારા હાથ પર ચરકા કરો તો તમને 10 રૂપિયા આપું અને ન કરો તો તમારે મને 5 રૂપિયા આપવાના તેવી ચેલેન્જ આપી હતી. જેના પગલે બાળકોએ પેન્સિલના શાર્પનરની બ્લેડ બહાર કાઢી હાથ પર બ્લેડ વડે કાપા માર્યા હતા. આ ઘટના સામે આવતા શિક્ષણ વિભાગમાં ખળભળાટ મચી ગયો હતો ત્યારે હવે બગસરાની ઘટના બાદ ડીસાની એક સરકારી શાળામાં વિદ્યાર્થીઓના હાથ પર બ્લેડ વડે ચેકા માર્યાના નીશાન સામે આવ્યા છે.