AAP Gujarat : ગુજરાતમાં હાલ ખેડૂતોના મુદ્દા પર આમ આદમી પાર્ટી સતત મહાપંચાયતો કરી રહી છે. અને ખાસ કરીને હાલ આદિવાસી વિસ્તારમાં આમ આદમી પાર્ટી અને ચૈતર વસાવા ખુબ જ એક્ટિવ જોવા મળી રહ્યા છે. સતત એક બાદ એક જનસભાઓ કરી રહ્યા છે. સાથે જ ચૈતર વસાવા ગામેગામ ફરી અને લોકોને મળી રહ્યા છે અને તેમને આમ આદમી પાર્ટીમાં જોડી રહ્યા છે. ત્યારે આજે તાપીમાં પણ મહાપંચાયતનું આયોજન કરવામાં આવ્યું હતું. અને આ જ મહાપંચાયતમાં પહોંચતા પહેલા જ ચૈતર વસવાનું શક્તિ પ્રદર્શન જોવા મળ્યું હતું. તાપી પહોંચતા જ તેમનું ભવ્ય સ્વાગત કરવામાં આવ્યું હતું. ચૈતર વસાવા સભામાં પહોંચ્યા ત્યાં સુધીમાં સતત લોકો તેમની સાથે જોડાતા ગયા અને સભામાં પહોંચ્યા ત્યારે મોટી સંખ્યામાં તેમના સમર્થકો મહાપંચાયતમાં પહોંચ્યા હતા. આ મહાપંચાયત મામલે એવું કહી શકાય કે આ AAP ની નહિ ચૈતર વસાવાની મહાપંચાયત છે તેવું કહેવું કદાચ અતિશયોક્તિ નહિ હોય.