ચોમાસાનો વરસાદ 31 જુલાઈ સુધી ચાલુ રહેવાની સંભાવના છે. PDMAએ આગામી 24 કલાકમાં પંજાબ (Punjab)ના મોટાભાગના જિલ્લાઓમાં વધુ ચોમાસાની આગાહી કરી છે. પ્રોવિન્શિયલ ડિઝાસ્ટર મેનેજમેન્ટ ઓથોરિટી (PDMA) એ કહ્યું કે પંજાબની તમામ નદીઓ અને નાળાઓ ચાલુ ચોમાસાના વરસાદ વચ્ચે સામાન્ય પાણીનો પ્રવાહ અનુભવી રહ્યા છે. પીડીએમએના પ્રવક્તાના જણાવ્યા અનુસાર ડેમ અને બેરેજમાં પણ પાણીનો પ્રવાહ સ્થિર છે. મંગળા ડેમમાં વર્તમાન પાણીની સપાટી 58% છે, જ્યારે તરબેલા ડેમમાં 69% છે. સતલજ, બિયાસ અને રાવી નદીઓ પર બનેલા ભારતીય બંધોમાં પાણીનું સ્તર 39% પર પહોંચી ગયું છે.

વીજળી પડવાથી ઘણાના મોત થયા હતા

પાકિસ્તાન(Pakistan)માં સોમવારે વીજળી પડવાની ત્રણ દુ:ખદ ઘટનાઓમાં એક જ પરિવારના છ સહિત આઠ લોકોના મોત થયા હતા. પોલીસના જણાવ્યા અનુસાર એક જ પરિવારના છ સભ્યો ખેતરમાં હતા ત્યારે વીજળી પડવાથી તમામના મોત થયા હતા. આ ઘટનામાં બે છોકરીઓ, એક છોકરો અને એક વૃદ્ધનું મોત થયું હતું.

વરસાદના કારણે ઘરની છત તૂટી પડી હતી

જિલ્લામાં અલગ-અલગ ઘટનાઓમાં 40 વર્ષીય પુરુષ અને 11 વર્ષની બાળકીનું વીજળી પડવાથી મોત નીપજ્યું હતું. આ સિવાય આ ઘટનાઓમાં 20 પશુઓના પણ મોત થયા છે. રાવલપિંડીમાં ભારે વરસાદને કારણે ઘરની છત તૂટી પડતાં એક મહિલા અને તેની પુત્રીનું મોત થયું હતું. મળતી માહિતી મુજબ, અમરપુર વિસ્તારમાં સ્થિત એક મકાનની છત તૂટી પડી હતી. જેના કારણે માતા-પુત્રી કાટમાળ નીચે દટાઈ ગયા હતા. સ્થાનિક લોકોની મદદથી રેસ્ક્યુ ટીમે ભારે જહેમત બાદ કાટમાળમાંથી મૃતદેહોને બહાર કાઢ્યા હતા. રેસ્ક્યુ ટીમ મૃતકોને નજીકની હોસ્પિટલમાં લઈ ગઈ. જે બાદમાં તેમના પરિવારજનોને સોંપવામાં આવી.

આ પણ વાંચો: કમલા હેરિસ કે ટ્રમ્પ? કોણ બનશે અમેરિકી રાષ્ટ્રપતિ, Nostradamusએ કરી ભવિષ્યવાણી